" కలువకు చంద్రుడు ఎంతో దూరం..కమలానికి సూర్యుడు మరీ దూరం "

చిల్లర దేవుళ్ళు చిత్రం 1975 లో విడుదల. ఈ చిత్రానికి సంగీతం శ్రీ K V మహదెవన్.  ఆత్రేయ కలం నుండి జాలు వ్రాలిన గీతం " కలువకు చంద్రుడు ఎంతో దూరం..కమలానికి సూర్యుడు మరీ దూరం " ఒక చక్కటి పాట. ఈ పాటను అంతే చక్కగా శ్రీ బాలు గారు పాడారు.  ప్రతియొక్క మనిషి హృదయాన్ని కదిలించక మానదు ఈ పాట. ఆ పాట విందాము .

కలువకు చంద్రుడు ఎంతో దూరం..

కమలానికి సూర్యుడు మరీ దూరం..  (2)

దూరమైన కొలదీ.. పెరుగును అనురాగం..

విరహంలోనే ఉన్నది అనుబందం.. ........                                కలువకు

నవ్వు నవ్వుకు తేడా వుంటుందీ..

నవ్వే అదృష్టం ఎందరికుంటుంది??

ఏ కన్నీరైనా వెచ్చగ వుంటుందీ..

అది కలిమిలేములను మరిపిస్తుంది.. ............                        కలువకు    

వలపు కన్నా తలపే తీయనా..

కలయిక కన్నా కలలే తీయనా..

చూపులకన్నా ఎదురుచూపులే తీయనా..

నేటి కన్నా రేపే తీయనా..  ................                                   కలువకు       

    

మనసు మనిషిని మనిషిగా చేస్తుందీ..

వలపా మనసుకు అందానిస్తుంది..

ఈ రెండూ లేక జీవితమేముంది??

ఆ దేవుడికీ మనిషికీ తేడా ఏముంది??  ............ కలువకు

..